16 Kasım 1906 Tarihli Balkan (Filibe) Gazetesi Sayfa 2
eyledigi kavanin-i mukaddese emin olmalı ki, alem-i insaniyet içün en celi bir vesile-yi rahmet-i ezeliye ve ebediyedir. - - - «oOo» - - - ACABA HALİMİZ NE OLACAK Varna'dan yazılıyor : İktidarım haricinde tahririne ictisar eyledigim varaka-yı acizede, bazı münevver fikirli genclerimizin inkisar-ı hatırlarını mucib olacak bir suretde idare-i kelamda bulunuyorsam da, mektubumu ahfad-ı millete takdim hususunda bir türlü vicdanıma galebe idemedim. Çünkü; milletin günden güne adem-i terakkide olduğunu görüyoruz da, yine de görmek istemiyoruz. Milletin bu derece adem-i terakkisine sebeb olan ise münevver fikirli bildigimiz birkaç genclerimizdir ki, kendi arzularını fiile çıkarmak içün, bütün hukuk-u milleti ayaklar altına almaktan ictinab itmiyorlar. Mesela! 1906 senesi Mart'nın ikinci Pazar günü İslam gencleri tarafından Varna'mız mekatib-i İslam fukara-yı etfali menfa'atine olarak mevki-i icraya vaz' etmek istedikleri (Zavallı Çocuk) nam milli oyununda aralarında ihtilaf zuhur derek iki fırkaya münkasım olub, bir taraf yapmak, bir taraf bozmak fikrinde bulundular. Yapmak ve millete iras-ı hayr etmek emeline düşenler, bin türlü zahmet ve müşkülat ile oyunu suret-i müteessifanede sahne-yi temaşaya vaz'a muvaffak oldular. Bozmak tarafdarı ise tiyatroyu bozmak hususunda teşebbüsat-ı külliyeye müraca'at ettilerse de, hasılatın az olmasından başka hiçbir şeye muvaffak olamadılar. Mezkur oyundan hasıl olan hasılat ise şimdiye kadar Perukar Celeb oğlu Mustafa Efendi'nin nezdinde mahfuz bulunduğundan, hululüyle cümle Müslümanların medar-ı şerefi olan bayram yevm-i mukaddesi içün birer çift ayakkabı alınarak 35 aded mekatib-i İslam fıkara-yı etfali, derece-yi nihayede nail-i meserret oldular. Şimdi münevverü'l fikir genclerimizin tiyatronun icrasına mani' olmak içün, bu derece say ve gayret eylemeleri garib degil midir? Eger, bu efendiler oyunu yapmak tarafdaranı ile ittihad iderek, suret-i mükemmelede icra itse iderler! Hem millete büyük bir hizmet ifa etmiş olurlardı ve, hem de bugün 35 aded talebe yerine belki yüz otuz beş talebenin nail-i meserret olmalarına sebeb olurlardı. Fakat o efendilik, büyüklük nerede? Var mı bize yekdiğerimiz aleyhine buğuz ve adavet beslemek. Zaten bize de lazım olan bu degil mi? Ey din kardeşler! Benim amal ve efkarım, ifade-yi milletde takarrür eden buğuz ve adaveti silmek ve bunca senelerden beri milletimizin adem-i terakkisine sebeb olan vukuatlara meydan vermemek, niçün biz de sair müterakki milletler gibi terakki-yi millet ve tevsi'-i ma'arife medar olacak vesait-i lazımenin istishaline çalışmıyoruz? Bize yazık degil mi? Bu gibi hallerin vuku' bulmasına daha ne vakte kadar meydan verecegiz? Böylece devam idersek acaba halimiz ne olacak? İmza : S. - - - «oOo» - - - BOERLERİN YENİ İSYANI ve İNGİLTERE'NİN TELAŞI Son telgraflarda Afrika-yı Cenubi'de Nefs-i Kap'da (Cape) kahraman Boerler tarafından yirmi takım ihtilal fırkaları teşkile başlamıştır. Ve ihtilal fırkalarının teşkili içün Frerera (?) isminde bir Boer kahramanı İngiltere polisinin şiddetli tedabir,ne rağmen Kap'a girmiş ve el-haletü hazihi ele geçmemiştir. Kap'dan doğru tahaddüse başlayan bu ihtilalin bütün Transvaal'e(*) sirayet ve şümulü ihtimali çok olduğundan İngiltere teleşdadır. "Balkan" Türklerin başına her gün bela çıkarmak içün ---------------------------- (*) Transvaal Cumhuriyeti veya Güney Afrika Cumhuriyeti, Afrika kıtasında kurulan ve varlığını 1857 ile 1902 yılları arasında sürdüren devlet.
