16 Eylül 1906 Tarihli Balkan (Filibe) Gazetesi Sayfa 3

altına sığınub ehven bir suret ve tarik ile kesesini doldurmağa ve şöhret kazanmağa çalışan birkaç kimselerin mutaassıbane eser-i teşvik ve takriki olarak Filibe, İstanmeka ve Ahyolu'nda bazı halat-ı müteessife zuhur etti. İşbu nümayişler öyle çirkin bir suretde ve avf olunmaz bir takım şiddetler ile icra olundu ki dahilde bütün erbab-ı fikir ve iz'an tarafından takbih edildiği gibi Bulgaristan'ın dostları tarafından pek ziyade teessüf ile kabul olundu. Bu kötülükler kifayet etmiyormuş gibi bin türlü zahmet ve fedakarlıkdan sonra ahalinin ahval-i ruhiyesi teskin edilmiş iken bir takım zorba ve gasıb kimselerden ibaret olub "Rodolubtes" namında Varna'da teşkil edilen cem'iyet beyanname-i umumiler neşr edüb ahaliyi yine mitingler icrasına davet eyliyor ki bu hareketi ile yeneden bir takım şiddetler icra eyliyerek para kazanmağa çalışıyorlar. Aldığım haber-i mevsuka nazaran maksadları sırf vatanpervelik maskesi altında iş karıştırub bir takım nümayişler icrasıyle para kazanmaktan ibaret olan işbu eşhas-ı rezilenin ahali arasında neşriyat-ı müfsidetkaranede bulunmalarına asla müsa'ade edilmemesini emir ve tenbih eylerim. Bu babda muhtelif cem'iyetlerin haiz-i ehemmiyet ve itibar olan kimseleriyle görüşüb cemaat-ı mezkure a'zasıyla ahalinin bu gibi eşhas-ı rezilenin tesvilat ve iğvalatına kapılmamalarını tenbih ve ihtar eyleriz. Hükümet cereyan-ı ahvale daima vakıf ve yakin bulunduğundan milletin amal ve menafi-ı milliyesini takip ve muhafazaya memurdur. Serbest bir suretde icra olunan mitinglerde söylenen efkar-ı milliyeye iktifaen hükümet, amal-i milliyemizin husul ve Makedonya'da bulunan din kardeşlerimizin terfih haline sa'y ve gayretden gerü durmadığı muhakkakdır. Bulgaristan'da zuhur edecek her türlü yeni bir hareket, mesele-i milliyemizi rahnedar edeceğinden vatanperverlik maskesine bürünüb hareket edecek olan kimseler ile sırf menafi-ı zatiyesi te'min veyahut partizanlık etmek içün vesile arayan kimselerin nabeca hareketleri kanun ve nizamen mücazat olduğundan kendilerine meydan verilmemesini (t)e'keden tenbih eylerim. --------ooo-------- YUNANİSTAN VE ROMANYA İHTİLAFI 31 Eylül, İstanbul: Bu günlerde Yunanistan veliahdının familyası prenses Mariya'nın Almanya ve Avusturya hududunda vaki' Pels kasabasında mülakatdan bura mahafilinde uzun uzadıya bahs edilüb mutalaat dermeyan ediliyor. Mevsukan alınan haberlere göre iki saatden ziyade imtidad eden işbu mülakat esnasında daima Yunanistan ile Romanya arasında tehaddüs eden ihtilafatın hal ve tesviyesi hakkında konuşulmuş. --------oOo-------- RUSYA BUHRANI Duma hakkında icra olunacak olan intihabata dair Dahiliye Nazırı valilere hitaben bir beyanname-i umumi neşr eylemiş. İşbu beyannamelerde guya intihabatın icrası teshil edilmek içün bazı yerlerde evvel-emirde taharriyatda bulunub şehirli birtakım kimselerin taht-ı tevkife alınması; devair-i hükümeti, şimendifer, posta ve telgraf ve sair devair-i resmiyenin muhafaza edilmesi ve bundan ma'ada askerler arasında efkar-ı muzırranın intişar etmemesi, emlak-ı hususiyenin muhafaza ve matbuatın daire-i hudud haricine çıkmaması içün mahall-i asayiş olan her türlü halata karşı tedabir-i şedide ittihaz edilmesi emir olunmuştur. * * * GENERAL MİN'İ KATL EDEN KAHRAMAN KARININ BEYANATI 1 Eylül Petersburg: General Min'i katl eden karının divan-ı harb huzu-