13 Ekim 1919 Tarihli İkaz (Afyonkarahisar) Gazetesi Sayfa 2

eylemiştir. 7,8 Teşrin-i Evvel 335 de Aydın cebhesi Çayyüzü ve sol cenah grublarında düşman mevzi'lerine icrâ kılınan baskında düşman bir mikdâr geri püskürtülmüş ve şâyân-ı kayd telefât verdiriilmiştir. Harekat-ı harbiye-i Millîye Reisi Tahir İdare-i Millîye İstihbârâtından Karahisar Müdâfa'a-i Hukuk Cem'iyeti hey'etine Sivas: 10 Teşrîn-i Evvel 1335 1- İhânet-i vatanîyesi tahakkuk eden Ferid Paşa ile Adil Beğ Yunanistan'a firâr etmek üzere oldukları yazılıyor. 2- Sinob limanına hafiyyen salahiyetdar bir İngiliz hey'etinin uğradığı mutasarrıf vekîli ile olan mülâkâtı ber-vech-i zîr nakl olunur: Teşkilat-ı millîyenin beyn-el anâsır bir fenâlık tevlîd edeceğinden korkarak böyle bir hal vukuuna mâni' olmak üzere İngilizlerin sâbık kabineye zahîr olduklarını ve fakat bugün teşkîlât-ı millîyenin inkişâfıyla artık anâsır-ı gayr-i müslimeye karşı hiçbir taarruz ve tecâvüz me'mul olmadığı ve hattâçekilen telgrafı müşterek olduğunu gördüklerinden ve bu sûretle müşterek vatanî bir gâye ta'kîb edildiğini anladıklarından İngilizlerin dahî teşkîlât-ı millîyeye müzâherete karâr verdiklerini kat'i olarak ifâde etdiler. İngilizler dahî teşkîlât-ı millîyemizin gâye-i aliyesini bu sûretle takdîr etmeelerini istikbâl-i millîmizde bir muvaffakiyet olarak kayd ederiz. 3- Heyet-i temsîliye a'zasından ba'zılarının muhtelif me'mûriyetlere nasb ve ta'yîn edilecekleri bildirilmiş ise de hey'et-i temsîliye a'zasından hiçbir sûretle vazâif-i aliyye-i vatanîyelerini terk ile hidmet-i devlete girmiyeceklerini ve bu babda her dürlü havâdisi şimdiden tekzîbe me'zûn bulunduğunuzu i'lân ederiz. add_padding.js add_padding.sh aksam.sql aksam_caption.sql aksam_meta.sql anadolu.sql anadolu_caption.sql aydede.sql aylardan_sayilara_rename.sh create_caption_sql.sh create_meta_sql.sh create_sql.sh cumhuriyet_caption.sql cumhuriyet_meta.sql diyojen.sql haber.sql haber_meta.sql ikaz.sql ikaz_caption.sql jsondan_caption.sh jsondan_download.sh jsonla_pdfyi_sayilara.sh kadro_meta.sql manset_ocr.sh milliyet.sql milliyet_caption.sql milliyet_meta.sql ocr_lambda.sh ocr_local.sh pdfdenjpgye_degiskensayfa.sh pdfdenjpgye_teksayfa.sh peyam_resimler rumidenmiladiye.sh serveti_funun.sql serveti_funun_caption.sql sqls tan.sql tan_meta.sql thumbnail.sh trimwhitespaces.js turk_dili.sql turk_dili_caption.sql ulus.sql ulus_caption.sql ulus_meta.sql vatan.sql vatan_caption.sql yeni_istanbul_caption.sql yeni_istanbul_meta.sql yeni_sabah_caption.sql yeni_sabah_meta.sql zafer_caption.sql zafer_meta.sql zaman_caption.sql zaman_meta.sql add_padding.js add_padding.sh aksam.sql aksam_caption.sql aksam_meta.sql anadolu.sql anadolu_caption.sql aydede.sql aylardan_sayilara_rename.sh create_caption_sql.sh create_meta_sql.sh create_sql.sh cumhuriyet_caption.sql cumhuriyet_meta.sql diyojen.sql haber.sql haber_meta.sql ikaz.sql ikaz_caption.sql jsondan_caption.sh jsondan_download.sh jsonla_pdfyi_sayilara.sh kadro_meta.sql manset_ocr.sh milliyet.sql milliyet_caption.sql milliyet_meta.sql ocr_lambda.sh ocr_local.sh pdfdenjpgye_degiskensayfa.sh pdfdenjpgye_teksayfa.sh peyam_resimler rumidenmiladiye.sh serveti_funun.sql serveti_funun_caption.sql sqls tan.sql tan_meta.sql thumbnail.sh trimwhitespaces.js turk_dili.sql turk_dili_caption.sql ulus.sql ulus_caption.sql ulus_meta.sql vatan.sql vatan_caption.sql yeni_istanbul_caption.sql yeni_istanbul_meta.sql yeni_sabah_caption.sql yeni_sabah_meta.sql zafer_caption.sql zafer_meta.sql zaman_caption.sql zaman_meta.sql * Sivas: 8 Teşrîn-i Evvel 1335 Hâricî ve dâhili felâketlerin tehdîdi altında hukûk-u tabi'asıyla mukaddesatının te'mîn-i gâyesi etrâfına toplanan büyük milletimiz bugüne kadar hâkimiyet--i millîyeyi ayak altına alan birkaç şahsın husûmet-i hâinânesi karşısında kalmışdı. Millete istinâd edememek itibaariyle hadddizâtında hiçbir kuvvet ve ehemmiyeti olmayan eşhâs-ı mezkûrenin her nasılsa re'skâra gelmiş bir hükümet şeklinde olması bu mâhiyete bir ehemmiyet-i resmiye olmasını intâc ediyordu. Bu sebeble şimdiye kadar milletin vahdet-i ma'nevîyesi noksansız olmağla hükümet-i merkeziyenin bu vahdet-i millîyeye dâhil olmamış bulunması yâr ve ağyara karşu milletin değil fakat devletin vahdet-i umûmîyesini natamam olarak gösteriyordu. Lâkin bugün Cenab-ı Hakk'a ve kendi hakkına istinâd eden büyük milletimizin gösterdiği iman-ı mutlak karşusunda hâiller sükût edub nihâyet aynı gâye-i istihlas etrâfında devletimizin de vahdet-i umûmîyesi tamam oldu. Bu muvaffakiyet-i millîye iki safhada tecelli etdi. Bunların birincisi milletin âmâl-i meşru'asına kesb-i ıttıla' eden hilâfetpenah efendimizin ferid Paşa kabinesini derhâl iskâtı ve ikincisi de Ali Rıza Paşa hazretleri riyâsetinde teşekkül eden yeni hey'et-i vükelâ tarafından âmâl-i millîyemizin meşruiyeti ve kuvâ-yı millîyenin hâkimiyet-i esâsâtını kabûl edilerek milletle hükümet arasında bir i'tilâf-ı tâm olmasıyla tahakkuk etdi. Bu i'tilâfa binâen bugünden i'tibâren bütün teşkîlât-ı millîye ve hey'et-i temsîliyemiz her iki [-satır okunmuyor-] mültezim nukât nazarımızın te'mîniyle âmâl-i millîyemizin istihsâlindeyeni hey'et-i vükelâya müzahir ve mu'avin olacak ve muhâberât-ı resmiye üzerine mevzu' olan memnû'iyeti ref' edecektir. Ve bu vazîfenin îfâsında teşkîlâtımız hiçbir yerde hiçbir kimse tarafından hüğkğümetin vazâif ve icrâat-ı kânûniyesine karşı hiçbirmüdâhaleye kat'iyyen meydân vermeyecek ve bu sûretle teşkîlât-ı millîyenin bütün hedef-i mesâ'î ve fa'âliyeti vatanın emr-i istihsâlinde [..] kalacaktır. Bu istihlasın istihsâlinde hükümetin vazâif-i resmiyeye mukâbil milletin de pek büyük ve pek mübrem vazâif-i mnilliyesi olduğunu nazar-ı i'tibâra alan cem'iyetimiz hükümetce musaddak olan nizâmnâmesi ahkâmına tevfîkan teşkîlât-ı umûmîyesini te'azzû etdirerek vazâif-i millîyenin intizâm îfâsını te'mîn etmeği elzem add etmekdedir. Ve esâsen bu büyük millî gâyeden başka hiçbir maksad ta'kîb etmeyen hey'etimiz her dürlü menâfi'i şahsiyeden ve fırka ihtirâsatından münezzeh olduğundan i'lân etmiş olduğu esâsât-ı millîyeden hiçbir sebeb ve bahâne ile hiçbir zaman inhiraf etmeyecek ve en büyük hisse-i fa'âliyeti kuvvâ-yı millîyenin şimdiye kadar olduğu gibi bundan sonra da âsâyiş ve sükûnet-i tâm içinde tevzînine hasr edecektir. En mühlik şerâit-i târihiye altında bile vakar-ı millîyesinden ve herkesin hukûkuna ri'âyetdeki hasâil-i mevrûsesinden zerre kadar ayrılmamış olan milletin bundan sonra da aynı tarz hareketde sâbit kalacağından ve bu sûretle bu mübârek topraklara sâhib olmakdaki liyâkat-i medenîyesini bütün cihâna tasdîk etdireceğinde şübhe yokdur. Anadolu Rumeli Müdafaa-i Hukuk Heyet-i Temsiliyesi nâmına Mustafa Kemâl * * * Bilumum Vilâyet ve Sancak Belediye Riyâsetine ve Müdafaa-i Hukuk Cem'iyetlerine Sivas: 7 Teşrîn-i Evvel 1335 Hükümet-i merkeziyenin ittihâz ve ta'kîb etmekde olduğu irticâ'kârâneye ve yaşamakda olduğumuz günlerin mühâlik ve felâket-i azîmesine karşı müdâfa'aa-i hukûk ve muhâfaza-i mevcûdiyet içün meclis-i millîyenin intihâb-ı in'ikâdını te'mîn ve teşri' etmek bugün en mühim vazîfesidir. Hükümet-i merkeziye milleti iğfâl ile meb'ûsan intihâbâtını aylarca te'hîr etdirmiş olduğu gibi bu son zamanda intihâb emrinde dürlü esbâb ile ta'vîk ve te'hîr etmekdedir. Ferid Paşa'nın Toros'un ötesindeki vilâyetimizden ferâgat etdiği sulh konferansına verdiği notalar ile sâbit ve Aydın vilâyetinde Yunanlılara temdîd-i hudûda teşebbüsü oradaki işgâlin emr-i vâki' hâlinde bir ilhaf olarak kabûl etdiğine delil bulunmuş ve aksam-ı meşgûle sâir memâlik içinde bunlara benzer câniyâne ve hâinâne siyâsetle mülk ve memleketi inkısâma uğratması kavîyyen melhûz ve meclis-i millîyenin in'ikadından evvel sulh nâmına imza ile milleti bir emr-i vâki' karşusunda bulundurmak niyetinde olduğu me'mûl bulunmuş olduğundan umûmî kongre orduyu ve milleti intibâha da'vetle ber-vech-i âtî husûsâtın sür'at-i icrâsı mesâ'îl-i hayâtiye-i millîyeden add ve beyân eyler evvelâ intihâbât hazırlıklarının muayyen kânûndaki en asgarî müddet zarfında icrâ ve ikmâl içün belediyeler ve müdâfa'aa-i hukûk cem'iyetleri fa'âliyet-i tâm ile çalışmalıdır. Sâniyen sancaklardan çıkarılacak meb'ûsların mikdâr nüfûsuna nazaran adedi heman tensib olunarak hey'et-i temsîliyeden hey'et-i temsîliyeye şimdiden bildirilecektir. Namzedler mes'elesi bilâhare hal olunacaktır. Sâlisen gerek intihâb hazırlıkları gerek intihâbın [-satır okunmuyor-] esbabının şimdiden te'mîn ile ref'i ve hiçbir te'hîre meydân verilmeyerek asgarî müddet zarfında intihâbın icrâsı işbu karârı mıntıkalardaki bilcümle belediye ve müdâfa'aa-i hukûk cem'iyetlerine tebliğ ve intihâbın sür'at-i îfâsına mu'âvenet buyurmanız ricâ olunur. Heyet-i Temsiliye Îkaz: Yeniden neşr edilen intihâb-ı meb'ûsan karârnamesi mûcibince bugün dâire-i intihâbiyelerin ta'yîni ile işe mübâşeret etmesine hiçbir mâni' kalmadığından belediyemizden fa'âliyet bekleriz. Umum Kuvvâ-yı Millîyelere Ta'mim Kuvvâ-yı millîyeye mensûb olmadığı halde ba'zı kesânın kendilerine kuvvâ-yı millîye efrâdı süsü vererek ötede beride köylülerin ahâli ve yolcuların mal ve canlarına taarruz etdikleri olagelmekdedir. Kuvvâ-yı Millîye efrâdının diğer vatana alâkası olmayan nâmussuz çeteci kimselerden tefrîki ve fîmâba'd her kangı bir mahalle berâ-yı me'mûriyet i'zâm kılınan kuvvâ-yı millîye efrâdına mensûb oldukları hey'et-i merkeziyenin resmi mühürleriyle memhur bir vesîka verilecektir. Bunun içün 12 Teşrin-i Evvel 335 târihine kadar mühlet verilmiştir. Bu târihden sonra vesîkasız dolaşacak kuvvâ-yı millîye efrâdını derdestle bilâ-merhamet şiddetle tecziye edeceğim. Keyfiyet Karahisar ve Alaşehir bil'umum kuvvâ-yı millîye hey'et-i merkeziyeleriyle jandarma kumandanlıklarına iş'âr kılınmış olmağla ol vechile mu'âmele ile [..] ta'mîmen tebliğ olunur. 8 Teşrin-i Evvel 335 Fırka 23 K. Kâimakam Ömer Lütfi Hususi Telgraflar 13 Teşrin-i Evvel 335 Sulh Murahhaslarımızın Ta'yini Sulh konferansına da'vet edildiğimiz zaman gidecek hey'et reisi ve azaları ta'yîn edilmiştir. Heyete Hâriciye Nâzırı Mustafa Reşid Paşa riyâset edecek ve İzzet Paşa ile Ferid Paşa'nın ise [..] göndererek mehcûr-u vatan bırakdığı Ahmed Rıza beyefendi a'za olarak bulunacaktır. Ferid Paşa'nın Notası Sadr-ı sâbık Ferid Paşa'nın Paris Sulh Konferansına hey'et-i murahhasa riyâsetiyle gitdiği zaman verdiği nota meclis-i vükelâda tedkîk edilmiştir. O zaman Ferid Paşa ile birlikde müşavirlikle giden sâbık Mâliye Nâzırı Tevfik Bey işbu nota hakkında îzâhâtda bulunmuşdur. Bütün Fırkaların İctimâ'ı Tehlike-i hâriciye karşusunda vifâk ve ittihâd lüzûmunu anlayan fırkalarımız millî kongrede toplanmışlar ve intihâbât mes'elesini mevzu bahs etmişlerdir. İzmir İçün Hükümetimizin Bir Notası Hükümetimizin son İzmir mes'elesi içün i'tilâf devletlerine yeni bir nota vermiştir. Ceneral Harbord Ceneral Harbordİstanbul'a vurûd etmiştir. Konferansa Davetimiz Meselesi Fransa'nın mühim cerâid-i siyâsîyesinden (Matin) konferansa serî'an da'vet edilmemiz ve bir manda altına alınmamız içün ehemmiyetli bir makâle neşr etmiştir. Sabık Sıhhıye Müdîri Doktor Mustafa Hergün ssabahdan akşama kadar hükümet karşusunda kağnıcılar içerisindeki muâyenehânesindeki hastalarını kabûl ve tedâvî eder. _________________________________ Müdîr-i Mes'ûlü: Mehmed Şükrü